Vente de la terre d'Auroir à l'abbaye de St-Eloi de Noyon
Transcription d'un texte en vieux français
Vente de la terre d'Auroir à l'abbaye de St-Eloi de Noyon.
Jon Adans, chev. sires de caudri, fuas savoir à tous ciaus qui ces lettres verront, ke comme Jehan dePontruel, bourgeois de St-Quentin et ses quatre sereurs, Anne, Ysahiaus, Wide et Maroie, tenisscnt de mi parmi douze deniers de parisis de cens, vint et six sestrelées à la mesure de Ham de terre franc au terroir d'Oroir, et quarante et sis sestiers d'avaine à la mesure de Ham de sauvement, et quatre livres quatre sous trois mailles mains de parisis de rente en le vile et ou terroir d'Oroir, et toute la justice, et toute la seigneurie, fors de murdre, de rat et d'arsin, et tout cou ke as choses devant dites appartenoit, et l’oumage du maieur d'Oroir en tiel manière ke li douze deniers de cens devant dit me devoient estre paié chacun an au jour de la feste St Remi en la ville de Jehancourt, là où je doie estre ou envoier pour ce cens recevoir; et si à ce terme n'en estois paies, on me devroit douze deniers parisis d'amende ou de loi, et plus n'en péoie demander ne avoir. Et le justice de murdre, de rat, d'arsin, se le cas y escheoit, devoie faire ( justice ) à Oroir en le vile ou au terroir, et des mueles et des cateus de maufaiteur jou devoie avoir le moitié sans plus, et niens devoie avoir ès terres, ès maison et ès iretages du maufaiteur. Mais Jehan et ses sereurs devoient avoir les terres, les maisons et les iretages du maufaiteur tout entièrement, et le moitié ès mueles et es cateus du maufaiteur, et en toutes ces choses devant dites n'avoie ne seignerie, ne justice, ne aucune autre chose fors sans plus le murdre, le rat et l'arsin devant dis, et fors ke tant ke cius Jehan et ses sereurs vendaient aucune des choses devant dites ou des appartenances, jou en faisoie les envestures seu avoie douze deniers parisis d'entrée et douze deniers d'issue; et plus ne pooie avoir ne demander. Et se il avenoit que aucuns de leurs tenans vendist, Jehan et ses sereurs en faisoieut le ravesture et en avoient toute leur droiture comme seigneur. Et comme li devant dit Jehan et ses sereurs peussent toutes les devant dites choses et leurs appartenances donner et vendre, et mettre en autrui main morte ou vive, à leur plaisir, et jou ne le puisse contredire, encois se me convenist otroier, sauf à mi lis devant dis douze deniers de cens , et les entrées et les issues , et sauf aussi le murdre, le rat, l'arsin devant nommés et sauves mes droitures en la moitié des mueles et des cateus au maufaiteur. Il avenit ke cil Jehan de Pontruel et ses quatre devant dites .sereurs vinrent pardevant mi en la présence de mout de bonnes gens, et reconnurent il a tous jours iretaulement avoient vendu à l'église de St-Eloi de Noyon, bien et loiaument, par droit pris et par loial, c'est assavoir : pour wit vint et dis livres parisis des queus il connurent ke leur grés estoil fait, toutes les choses que il avoient en le vile et ou terroir d'Oroir, se riena y avoient outre les choses devant noumées, et ont- il mis en ce vendage, loue, gree et otroie ke li devant dite église tiègne à tous jour toutes les choses devant dites en pais, et sa volenté en face comme de ses choses, et pour la devant dite église ravestir de toutes ces choses, il se devestireut en ma mains, et jou à leur requeste en nom de l'église devant dite ai ravesti l'abé de cele église et fis tenant et sen reciuch (reçu) de celui abé mes douze deniers d'entrée; et jou ai ces convenances et ce vendage grée et otroie, ne en toutes les choses devant noumées n'ai-jou rien retenu, fors ke le cens de XII deniers devant dit et l'amende pour le défaute de paiement de ce cens, se le y eschoit, et le murdre , et le rat, et l'arsin devant dis, et fors le moitié des mueles et des cateus au maufaiteur pour tant comme il appartient à tele partie comme nous acatames à Jehan de Pontruel et à ses sereurs devant dis, et fors les XII deniers d'issue et d'entrée et tout le rumament qu'il appartient à choses devant dites en rentes, en censives, en seigneurie, en justice, et en toute autre chose, etc. En tesmoing de ces choses ai ces présentes lettres à leur requeste confirmées de mon séel qui furent faites en l'an de l'incarnation nostre Seigneur MCCXLIX. ou mois de mars.