45234 - Orléans - Témoignage "en direct" sur la levée du siège d'Orléans
On peut aussi citer Guillaume GIRAUT, notaire à Orléans au temps du siège, et qui assista aux événements.
La délivrance de la ville était un épisode important, et le notaire consigna le texte qui suit, le 9 mai 1429, sur son registre, entre deux actes.
Extrait des minutes de Guillaume GIRAUT, notaire :
Siège des Anglois levé.
Le mercredi veille d'Ascencion, IIIè jour de may, l'an mil ccccxxix, par les (gens) du roy nostre sire et de la ville d'Orliens présente et aidant (ou ordenant) Jehanne la Pucelle treuvée par ses oeuvres estre vierge et à ce envoiée de Dieu nostre (seigneur) et aussi comme par miracle fut prise par force d'armes la forteresse (des) Anglois très-puissans à Sainct-Loup lès Orliens que avoient faict et tenoient les Anglois ennemis du roy nostre dict sire, et y furent pris et mors plus de VIxx (120) (Anglois).
Le samedy après l'Ascencion Nostre Seigneur ensuivant, VIIè jour du dit moys de may, par la grace Nostre Seigneur et aussi comme par miracle le plus évident qui eust esté apparent puis (depuis) la passion Nostre Seigneur, à l'aides des dictes gens du roy et de la dicte ville d'Orliens fust levé le siège que les ditz Anglois avoient mis ès thorelles (tourelles) du bout du pont d'Orliens, ou costé de la Sauloigne, qui furent pris par très fort assault le mardy XIIè jour du moys d'octobre précédent et derrenier passé, et y furent mors ou pris environ IIIIc (400) Anglois qui gardoient les dictes Thorelles. A (ce) fust présente la dicte Pucelle qui conduit la besoigne armée de toutes pièces.
Et les dimanches et lundy ensuivant, les ditz Anglois s'en alèrent de Sainct Poair où ilz avoient faict une forte bastille qu'ilz appelloient Paris, d'une aultre bastille emprez (auprès) qu'ilz appelloient la tour de Londres, du Pressoer ars qu'ilz nommoient Roen où ilz avoient faict forte bastille, de Sainct Lorens ou ilz avoient faict plusieurs forteresses et bastilles, et toutes ces forteresses et bastilles closes à II parties (ou en partie) de foussés et d'une forteresse à l'autre.
Témoignage émouvant d'un habitant d'Orléans , heureux que sa ville soit délivrée après ces mois de siège, et admiratif pour celle qui avait motivé les libérateurs.